“keeping a stiff upper lip, regardless”

Árið 1905 hvarf hinn mikli landkönnuður Captain Peabody Fawcett þegar hann sigldi Ubangi ánna í Congo. Engin ummerki fundust um þennan mikla heimshornaflakkara… ekki fyrr en árið 1997 þegar gamall kistill var keyptur á bílskúrssölu, tekinn heim og brotinn upp. Í kistlinum mátti finna, innan um myglaða og ónýta hluti, fallega snyrtitösku sem hafði að geyma hin ýmsu smyrsli, áburði og einnig dagbækur kafteinsins. Þar voru ritaðar sögur af ævintýrum hans og hrakförum en einnig uppskriftir að ilmandi skeggvörum og öðru slíku. Uppskriftunum hefur verið fylgt til hins ítrasta og fáum við þess vegna að njóta magnaðra olía og skeggvavara kafteinsins… eða svo segir sagan allavega.